دردشات على ضفاف نهر الدم في غزه

(((( رد على كل من يتهم حزب الله و سوريا و ايران))))يعني ما شاء الله كل الحروب اللي مصر شاركت فيها من 48 إلى ما قبل حرب 73 كلها باءت بالفشل الذريع ودا أكيد لأن كل القادة في هذا الوقت كانوا من أصل مصري مئة بالمئة..


يعني ليه السيد أبو الغيط يحرج نفسه ويقلب على المصريين المواجع ويذكر رجال مصر أنو النصر لن يتم على يد مصري من أصل مصري..

بعدين أنا أريد أن أرفع القبعة لشجاعة السيد أبو الغيط اللي جاب الست في مصر.. إيه الشجاعة دي؟؟


وقال لها يا ست ليفنى أوعي يا وحشة تضربي حماس وإلا حنوقف وقفة رجالة ونقول يا حماس أوقفى صواريخ المقاومة عشان بتصيب سكان صهيون بالذعر والخضة وإحنا في مصر لا نقبل أن صهيون يتخض..


ولا يهمك يا ست اخترقي المجال الجوي المصري زي ما تحبي.. ولا يهمك يا ست دمري كل البيوت اللي في الجانب المصري.. طول ما في تمويل وقروض لمشاريع إعمار..


ولا يهمك يا ست.. الأرض المصرية ارضك يا ست.. وأنا السيد ابو الغيط حطلع ألوم إيران على اختراقات إسرائيل الجوية لسيادة مصر.. دا لو كان باقي لها سيادة.. وكمان حطلع زى الوحش الكاسر وأقول مش حنقاوم ولا حنساعد المقاومة زي الشيخ نصر الله اللي مش فاضي غير اللي اسمو إيه ده.. الجهاد !!!


حسن نصر الله ده عميل الاسلام.. الذي لا يمتلك إلا الكرامة والسلاح للدفاع عن الشرف والعزة .. بس ابو الغيط والحكومة المصرية مش فاضية، عايزة تصيف فى مارينا وتقيم الحفلات وتشجع حقوق الشواذ عشان امريكا تعرف اننا مش ضد حقوق الشواذ..



وبلا رجالة بلا زفت.. دا حتى الرجالة بيجيبوا دمار وحروب وحاجات وحشة كده .. إحنا مع السلام وحتى لو اسرائيل هدمت كل الجوامع وحرقت الاطفال والنساء .. إحنا برده مع السلام و حقوق الشواذ.. ولازم تعرفوا ان ايران الاسلامية الشيعية الوحشة هي سبب كل المشاكل في الشرق الاوسط ..


ايه المشكلة يعنى لما اسرائيل تهود المسجد الاقصى ايه يعنى اسرائيل لما تحتلنا؟ فين المشكلة لما امريكا تسلح اسرائيل وإحنا نمنع السلاح عن فلسطين عشان يعيشوا تحت الاذلال الصهيوني؟ يا سيدى مش المهم ان الحكومة المصرية فلوسها محمية؟

يبقى اهلا بكم يا صهاينة بس المهم حتدفعوا كام واحنا مستعدين نلعن ونسب طول النهار فى ايران .. أصل ايران هي المشكلة مش الصهاينة .. تمام يا حكومة مصر تمام.. أهم حاجة راحة الست

يا سيد ابو الغيط كل كلمة تقولها عن مصر تدينك ولا تبرئك وغزة ودماؤها سوف تطارد الحكومة المصرية إلى الأبد..
الحكومة التى قالت انها ستناقش غزة على هامش القمة الاقتصادية .. اقتصاد ايه وزفت ايه وأرواح الناس تهدر .. والمبادرة المشينة اللى كتبتها الافعى رايس لحماية اسرائيل وسحق حقنا فى المسجد الاقصى!!!


فعلا اللى اختشوا ماتوا .. لا تلوموا ايران او غيرها وانتم اصل كل المشكلة ..


العيب فيكم الذين يرمون حزب الله و سوريا و ايران و يساعدون اسرائيل ولكن ماذا تفعل كلماتي في قلب غافل ميت لا يخشى الله ..